Ib Leeg Yuav Tau Saib Xyuas Ib Leeg.

Tsis yog hais tias txhua tus neeg uas muaj Tus Kab Mob Khaus Viv-19 (COVID-19) yuav qhia rau pom txog tag nrho cov tsos mob. Qhov tseeb, muaj qee cov neeg mas yuav tsis qhia rau pom txog ib yam tsos mob (tsos mob uas tsis tshwm sim rau yus paub) hlo li. Feem ntau lawm cov tsos mob ntawm Tus Kab Mob Khaus Viv-19 (COVID-19) yuav tshwm sim nyob rau 2 mus txog rau 14 hnub tom qab kev raug tau rau tus kab mob vais lav (virus) ntawd lawm. Mus tshawb nrhiav cov ntsiab lus meej tseeb ntau ntxiv tau rau ntawm Xeev Minnesota Lub Thawj Fab Saib Xyuas Hauj Lwm txog Kev Noj Qab Haus Huv lub vas sab (website).

Cov tsos mob uas nquag tshwm sim:

Kub taub hau
Hnoos
Txog siav
Ua daus no
Mob taub hau
Mob cov leeg nqaij
Mob qa
Sab nkees
Txhaws ntswg
Tsis hnov qab los
Tsis hnov ntxhiab zoo

Cov tsos mob ntsig txog plab hnyuv uas nquag tshwm sim tsawg dua:

Xeev siab
Ntuav
Raws plab

Vim hais tias tus kab mos sib kis no yeej tseem yuav muaj txuas ntxiv mus, kev nyob twj ywm hauv tsev thiab/los sis kev nyob kom sib nrug deb li (6’ los sis 2 mev (meters)) los ntawm cov neeg uas koj tsis nyob nrog ntawd yog ib qho tseem ceeb rau kev cheem kev sib kis kab mob los ntawm Tus Kab Mob Khaus Viv (COVID). Kev txo kom koj tus kheej tsis txhob raug tau rau lwm tus yuav pab txo kev pheej hmoo txog ntawm kev sib kis kab mob thiab kev nthuav txav kev sib kis kab mob los ntawm tus kab mob vais lav (virus) kom muaj tsawg.

Yog hais tias koj raug tau rau tus kab mob los ntawm kev nyob sib ze nrog ib tus neeg twg uas kis tau Tus Kab Mob Khaus Viv-19 (COVID-19), nws tseem ceeb heev uas koj yuav tsum tau mus sim kuaj mob thiab nyob twj ywm rau hauv tsev kom txog ntua rau thaum koj paub txog koj qhov kawg uas tau los ntawm kev sim kuaj mob tso. Yog hais tias koj qhov kev sim kuaj mob uas tau los ntawd yog muaj mob huam loj tuaj, ces koj yuav raug hais kom caiv tus kheej (nyob twj ywm hauv tsev) kom ntev ntxiv.

Kawm paub txog cov lus qhia txog kev pov thaiv kom ntau ntxiv nyob rau ntawm Xeev Minnesota Lub Thawj Fab Saib Xyuas Hauj Lwm Txog Kev Noj Qab Haus Huv (Minnesota Department of Health).

Tam sim no muaj cov kev sim kuaj mob txog Tus Kab Mob Khaus Viv-19 (COVID-19) nyob thoob plaws hauv Lub Zos Hennepin (Hennepin County). Koj muaj peev xwm kawm paub ntau ntxiv txog ntawm cov ntaub ntawv qhia thiab cov chaw ua kev sim kuaj mob tau los ntawm kev mus saib tau rau ntawm cov vas sab (websites) nram qab no:

Kev Sim Kuaj Mob Nyob Rau Cheeb Tsam Zej Zos Hauv Lub Zos Hennepin (Hennepin County)

Xeev Minnesota Lub Thawj Fab Saib Xyuas Hauj Lwm Txog Kev Noj Qab Haus Huv (Minnesota Department of Health) qhov kev sim kuaj mob ntsig txog qaub ncaug nyob rau Cheeb Tsam Zej Zos

Phab uas qhia txog kev sim kuaj mob nyob rau hauv cheeb tsam zej zos txog ntawm Tus Kab Mob Khaus Viv-19 (COVID-19) nyob rau hauv Lub Zos Ramsey (Ramsey County)

Tsis tas li ntawd koj kuj tseem muaj peev xwm tshawb nrhiav tau cov chaw uas muaj kev sim kuaj mob pab dawb uas muaj pab los ntawm Xeev Minnesota Lub Thawj Fab Saib Xyuas Hauj Lwm Txog Kev Noj Qab Haus Huv (Minnesota Department of Health) nrog rau kev koom tes nrog cov zej zos tau rau ntawm nod:

Xeev Minnesota Lub Thawj Fab Saib Xyuas Hauj Lwm Txog Kev Noj Qab Haus Huv (Minnesota Department of Health) phab uas qhia txog kev sim kuaj mob nyob rau hauv cheeb tsam zej zos

Vim cov dej num ua txhua hnub hloov pauv yeeb vim hais tias muaj Tus Kab Mob Khaus Viv-19 (COVID-19), nws thiaj li tseem ceeb uas yuav tau xyaum ua cov yam ntxwv uas zoo rau kev noj qab haus huv. Rau kev yooj yim, cov lus qhia pab dawb txog rau kev ntxhov siab, mus saib tau rau ntawm Xeev Minnesota Lub Thawj Fab Saib Xyuas Hauj Lwm Txog Kev Noj Qab Haus Huv (Minnesota Department of Health).

Kev txo kev kho siab kom muaj tsawg yog ib qho pab ua rau yus nyob tau kaj siab lug thiab muaj peev xwm pab ua rau koj hnov tau tias zoo dua qub. Kev sib cuam tshuam nrog cov phooj ywg thiab tsev neeg tsis tu ncua — tab txawm hais tias thaum lub cev nyob sib nrug deb lawm los xij — yeej muaj peev xwm ua rau peb lub neej hnov tau tias zoo li ib txwm ntau dua qub tuaj. Qhov no yooj yim xwb xws li kev sib nug moo los ntawm kev hu xov tooj los sis cov kev hu xov tooj sib tham hauv vis dis aus.

Yog hais tias koj los sis ib tus neeg twg uas koj hlub tshua tab tom ntsib ib qho teeb meem txog kev noj qab haus huv ntawm lub hlwb, koj muaj peev xwm tshawb nrhiav tau kev pab los ntawm Feem Saib Xyuas Xwm Txheej Kub Ntxhov Ceev Txog Rau Fab Kev Noj Qab Haus Huv Ntawm Lub Hlwb Hauv Lub Zos Hennepin (Hennepin County Mental Health Emergency) lub vas sab (website).

Nws tseem ceeb tshaj qhov qub uas ib txwm lawm uas yuav tsum tau pov thaiv koj tus kheej los ntawm kev mob ua daus no (tau khaub thuas) thiab Tus Kab Mob Khaus Viv-19 (COVID-19). Kev txhaj ib koob tshuaj txhaj tiv thaiv mob ua daus no (tau khaub thuas) yuav pab pov thaiv koj txoj kev noj qab haus huv thiab pab txuag kom koj muaj cov kev pab cuam ntsig txog kev saib xyuas kho mob rau fab kev noj qab haus huv los mus tawm tsam kev sib kis mob los ntawm Tus Kab Mob Khaus Viv-19 (COVID-19)

Tshawb nrhiav lus qhia paub ntau ntxiv txog cov kev txhaj tshuaj tiv thaiv kab mob uas mob ua daus no (tau khaub thuas) los ntawm kev mus saib tau rau ntawm Xeev Minnesota Lub Thawj Fab Saib Xyuas Hauj Lwm Txog Kev Noj Qab Haus Huv (Minnesota Department of Health).